Намангандаги хонадонда уч киши ис газидан заҳарланиб вафот этди

Наманган вилоятининг Поп туманидаги хонадонда уч киши ис газидан заҳарланиш оқибатида вафот этди.

Бош прокуратура матбуот хизматининг «Дарё»га маълум қилишича, воқеа 20 ноябрь куни соат 16:00 ларда юз берган. Поп тумани «Тинчлик» маҳалласида яшовчи 1971 йилда туғилган Э.Т. 2016 йилда туғилган набираси Ф.Т. ҳамда меҳмонга келган қайнонаси — 1947 йилда туғилган Д.Ю. уйни иситиш учун ўрнатилган темирдан ясалган печкага ёқилган табиий газдан чиққан ис газидан заҳарланиб, воқеа жойида вафот этган.

Мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.

Шу куни Қашқадарёда 17 ёшли абитуриент қиз ижарадаги уйида ис газидан заҳарланиб вафот этганди.

Мавзуга доир:

• Хоразм ва Жиззахда ис газидан жами 5 киши вафот этди
• Жиззахда аёл ва унинг икки фарзанди ис газидан заҳарланиб, вафот этгани тасдиқланди