Қозоғистоннинг амалдаги президенти Қосим-Жўмарт Тўқаев дастлабки натижаларга кўра, 81,31 фоиз кўрсаткич билан давлат раҳбари сайловида ғолиб бўлмоқда. Бу ҳақда мамлакат Марказий сайлов комиссияси раҳбари Нурлан Абдиров брифинг чоғида маълум қилди.
Дастлабки ҳисоб-китобларга кўра, сайловчилар овозлари қуйидагича тақсимланган:
- Қосим-Жўмарт Тўқаев — 6,4 миллионта овоз ёки 81,31%;
- Каракат Абден — 206 мингта овоз ёки 2,6%;
- Нурлан Ауэсбаев — 176 мингта овоз ёки 2,22%;
- Жигули Дайрабаев — 271 мингта овоз ёки 3,42%;
- Мейрам Кажикен — 200 мингта овоз ёки 2,53%;
- Салтанат Турсинбекова — 168 мингта овоз ёки 2,12%;
- ҳаммага қарши — 480 мингта овоз ёки 5,8%.
Аввалроқ exit-poll натижалари эълон қилинган, улар Қосим-Жўмарт Тўқаев ғолиб бўлганини кўрсатган эди.
Шундан кейин Элбоши Нурсултон Назарбоев биринчилардан бўлиб, Тўқаевни сайловдаги ғалабаси билан табриклади.
Қосим-Жўмарт Тўқаев президентлик сайлови қонунга мувофиқ ва ҳалол рақобат шароитида ўтказилганини қайд этди.
Унинг фикрича, мамлакат аҳолиси унга овоз бериб, ўз ишончини билдирган. Сайловлардан кейин конституциявий ислоҳот доирасида мамлакатда янги сиёсий тузилмага ўтиш содир бўлади, деди у.
Тўқаевнинг сўзларига кўра, ушбу сайлов янги сиёсий даврни очиб беради ва келажакда ҳокимиятнинг барча институтлари ислоҳ қилинади. «Биз конституциявий ислоҳотни аниқ ва кетма-кет амалга оширамиз. Биз мамлакат сиёсий тузилмасининг янги шаклига ўтамиз. Иқтисодиётда тубдан ўзгаришлар юз беради. Фуқароларнинг фаровонлигини оширамиз. Бу мақсадларнинг барчасини амалга ошириш учун бизга бирдамлик керак», — деди Тўқаев Республика жамоатчилик стабида нутқ сўзлаб.
Изоҳ (0)