Ўзбекистонда ҳарбий аёлларни қўллаб-қуватлаш мақсадида «Тўмарис» кўкрак нишони таъсис этилди, деб хабар бермоқда «Дунё» АА.
Президентининг «Тўмарис» кўкрак нишонини таъсис этиш тўғрисидаги қарорига кўра, ушбу кўкрак нишони Ўзбекистон мудофаа қудратини юксалтириш, жамиятда ҳукм сураётган миллатлараро тотувликни, тинчлик ва барқарорликни асраш, муносиб ҳисса қўшаётган аёл ҳарбий хизматчиларни қўллаб-қувватлаш мақсадида таъсис этилди.
Қарор билан «Тўмарис» кўкрак нишони тўғрисидаги низом ва «Тўмарис» кўкрак нишони, унинг гувоҳномаси тасдиқланди.
Ҳужжатга кўра, Ўзбекистан Марказий банкининг «Давлат белгиси» давлат унитар корхонаси тегишли вазирлик ва идораларнинг буюртмаларига асосан «Тўмарис» кўкрак нишони ва унинг гувоҳномасини белгиланган тартибда тайёрлайди.
«Тўмарис» кўкрак нишони ва унинг гувоҳномасини тайёрлаш ҳамда мукофотланганларни тақдирлаш билан боғлиқ харажатлар бюджет маблағлари, бюджетдан ташқари маблағлар ва қонунчиликда тақиқланмган бошқа манбалар ҳисобидан амалга оширилади.
Кўкрак нишони вазирлик ва идоралар раҳбарлари (ёки уларнинг топшириғига мувофиқ, бошқа масъул шахслар) томонидан 14 январь — Ватан ҳимоячилари куни байрами арафасида тантанали равишда топширилади.
Изоҳ (0)