Тошкент вилоятининг Бекобод туманидаги «Бекобод цемент»га қарашли Маданият уйи биноси дўконга айлантирилгани ижтимоий тармоқларда кенг муҳокамаларга сабаб бўлди.
Тармоқ фойдаланувчилари айримлари маданий мерос объекти ташқи кўриниши бундай ҳолга келганини танқид қилган бўлса, айримлари бино бир неча йиллардан бери қаровсиз ҳолатда қолиб кетганини айтган.
Ҳолатга Маданий мерос агентлиги муносабат билдириб, ушбу бино маданий мерос объекти сифатида қайд этилмаганини, Вазирлар Маҳкамасининг 2019 йилдаги қарори билан архитектура ёдгорлиги сифатида рўйхатга олинмаганини маълум қилди.
«Шу ўринда таъкидлаш лозим Маданий мерос агентлиги ўз тизимидаги моддий маданий мерос объектларини муҳофаза қилиш, музейлар соҳасида давлат назоратини амалга ошириш, археология тадқиқотларини қўллаб-қувватлаш, мувофиқлаштириш, назорат қилиш, вилоятимиздаги маданий бойликларни аниқлаш, муҳофаза қилиш ва тўлиқ маълумотлар базасини яратиш каби вазифаларни амалга оширади», — дейилади агентлик хабарида.
Изоҳ (0)