Бирлашган Миллатлар Ташкилоти Қирғизистонга камбағалликдан қутулиш ва озиқ-овқат хавфсизлигини қўллаб-қувватлаш учун 90 миллион доллар ажратади, деб хабар бермоқда Kloop.
Маблағлар БМТнинг беш йиллик Жаҳон озиқ-овқат дастури доирасида ажратилади. Яна 15 миллион доллар камбағалликка қарши фаол курашга қаратилган лойиҳалар учун берилади.
Сўнгги уч йилда Қирғизистонда камбағаллик даражаси сезиларли даражада ошди – 2021 йилда бу кўрсаткич 33,3 фоизга етган.
Жаҳон озиқ-овқат дастурининг иккинчи сессиясида Қирғизистон меҳнат вазири Вазир Кудайберген Базарбаев мамлакат камбағалликка қарши қандай курашаётгани ҳақида гапирди. Унинг сўзларига кўра, 9 ой давомида 131 мингдан ортиқ даромади кам қирғизистонлик вазирликнинг турли лойиҳалари иштирокчисига айланган.
«2022 йилнинг атиги 9 ойида 131 мингдан ортиқ кам таъминланган қирғизистонлик ёки 30,5 минг кам таъминланган оила Қирғизистон республикаси Меҳнат, ижтимоий таъминот ва миграция вазирлигининг турли лойиҳаларида иштирок этиш имкониятига эга бўлди. 105,5 минг оила кам таъминланганлик учун нафақа олишини инобатга олсак, кам таъминланган оилаларнинг деярли ҳар учдан бирини камбағалликни бартараф этиш чора-тадбирлари билан қамраб олишга муваффақ бўлдик, деб айтишимиз мумкин», — деди Базарбаев ўз чиқишида.
Изоҳ (0)