Nasafnews нашрида Қашқадарё вилояти Қарши тумани тиббиёт бирлашмасига қарашли 54-сонли оилавий поликлиника биносида шифокорларга шароит йўқлиги, яқинда таъмирланганига қарамасдан ҳеч қандай жиҳозлар ажратилмагани, айрим хоналарда ходимлар полда ўтириб ишлаётгани, иситиш тизими носозлиги ҳақида хабар эълон қилинди. Вилоят Соғлиқни сақлаш бошқармаси ҳолатга муносабат билдирди.
Аниқланишича, 54-оилавий поликлиниканинг 2 қаватли биноси 1993 йилда қишлоқ врачлик амбулаторияси учун қурилган. 2017 йилда қишлоқ оилавий поликлиникаси мақоми берилган.
Оилавий поликлиника биноси 2021—2022 йиллар давомида 943 миллион сўмга реконструкция қилинган. Реконструкция лойиҳа сметаларига қаттиқ жиҳозлар билан таъминлаш киритилмаган. Бинода 34 та хона мавжуд бўлиб, улардан 5 тасидан фойдаланилмайди, айни пайтда бўш турибди. Бошқа хоналар олдиндан мавжуд бўлган қаттиқ жиҳозлар билан жиҳозланган.
«Ўрганиш жараёнида полда ўтириб ишлаш ҳолати умуман кузатилмади, бунга сабаб йўқлиги қайд этилди», — дейилади хабарда.
Таъкидланишича, 25 апрелда туман тиббиёт бирлашмаси томонидан поликлиникани янги қаттиқ жиҳозлар билан таъминлашда амалий ёрдам сўраб туман ҳокимлигига хат киритилган. Бинода газ қозонлари орқали иситиш тизими мавжуд, унда муаммо аниқланмаган.
Изоҳ (1)
20170 ни 2017га тугирлаб куйинг)