Элдор Шомуродов: «Россияга қарши ўйин бундан-да қийин кечади»

Ўзбекистон миллий терма жамоаси ҳужумчиси Элдор Шомуродов Қозоғистонга қарши кечган ўртоқлик ўйинидан кейин ўз фикрлари билан ўртоқлашди.

Ўйин ҳақида

Биринчи навбатда шу совуқ об-ҳавога қарамай стадионга келган мухлисларга раҳмат айтаман. Биринчи бўлимда ўзимизни яхши томондан кўрсата олдик, режалаштирган барча ўйланмаларни амалга ошира олдик. Гол ура олдик.

Иккинчи бўлимда кўпроқ ҳимояга эътибор қаратдик. Гол ўтказиб юбормасликка ҳаракат қилдик. Бироқ камчиликларимиз бор, уларни йўқотиш устида ишлайсиз. Қозоғистон терма жамоаси ҳам яхши ўйин кўрсатди.

Терма жамоа тўпурари Максим Шацкихнинг рекордини янгилаш борасида

Албатта, бу сени тарихга муҳрлайдиган натижа. Бунга эътибор қаратяпман. Худо хоҳласа, рекордни янгилаб олсам, уёғи енгилроқ бўлади деб ўйлайман (кулади).

Россияга қарши баҳс ҳақида

Россия билан бундан-да қийин ўйин бўлади. Чунки улар фақат жисмоний томондан эмас, техника ва тактика томонлама ҳам анча кучли жамоа.

«Рома»даги ҳолати ҳақида

«Рома» ҳақида ҳеч нарса дея олмайман, ҳозир терма жамоа сафидамиз. «Рома» ҳақида «Рома»да гаплашамиз.

Элдор Шомуродов, футболчи

Мавзуга доир: Сречко Катанец: «Элдор Шомуродовнинг голлари бўлмаганда аллақачон уйимда бўлишим мумкин эди»