Кундалик ҳаётда хавфсизлик қоидаларига риоя қилинганда ҳам кичик, аммо ёқимсиз маиший жароҳатлардан қочиш мумкин эмас. Ҳеч бўлмаганда бир марта эшикни бепарволик билан ёпиб юбориш ёки уй ишларини бажарганда бармоқларни шикастлаб олиш мумкин. Аммо бармоқлар қаттиқ қисиб олинганда, биринчи навбатда нима қилиш кераклигини ҳамма ҳам билмайди. Wday нашри ушбу вазиятда фойда берадиган тавсиялар билан бўлишди.
Агар оғриқ кучли ва бунга дош бериш қийин бўлса, совуқ нарса топиш керак. Бармоқни совуқ сувга ботириш, муз ёки бир шиша совитилган сувга солиш тавсия этилади. Борди-ю, яра очиқ бўлса ва қон кетса, бармоқни сувга солиш тавсия этилмайди, чунки сув оқими табиий ивишнинг олдини олади ва қон кетишини тўхтатади. Оғриқ тўхтагач, бармоқни диққат билан текшириш шикастланишнинг даражасига қараб, муолажа бошлаш керак. Жароҳатлар ва зарарлар қуйидагича бўлиши мумкин.
- Бармоқ деформацияси — бу жиддий жароҳат бўлиб, суякнинг синиши ёки жойидан чиқиб кетиши билан изоҳланади. Бундай жароҳат юмшоқ тўқималарнинг шикастланиши ва кучли қон кетиши билан мураккаблашиши мумкин.
- Бармоқ деформацияланмайди, аммо қон кетади ва юмшоқ тўқималарнинг шикастланиши кузатилади.
- Бармоқ юзасида ташқи жароҳатлар кўринмайди ёки улар жуда кичкина бўлади.
- Тирноқ пластинкаси шикастланади. Жароҳатлар ҳар хил бўлиб, бармоқ қисиб олинганда, унда ёқимсиз оғриқ ва шикастланган маникюрдан ташқари ташвишланадиган ҳеч нарса бўлмайди.
Ўз вақтида биринчи ёрдам бериш оғриқ белгисини тезда бартараф этади ва асоратларнинг олдини олади.
Қон кетиши ва очиқ яра. Агар яра очиқ бўлса, қон кетиши кузатилса, антисептик воситалар билан тезда даволаш зарур, қонни тўхтатиш учун водород перекиснинг тиббий эритмаси мос келади. Қон тўхтагандан сўнг даволовчи воситаларни суртиб, боғлаб олиш лозим.
Жиддий шикастланишда кўп қон кетиши мумкин, қоида тариқасида, бундай ҳолларда кичик томирлар зарар кўради. Қон кетишини зудлик билан тўхтатиш учун жгут қўлланилади, уни жароҳатнинг юқорисига боғлаш керак. Қолаверса, бундай ҳолларда травматологдан тиббий ёрдам сўраш тавсия этилади.
Бармоқнинг шакли ўзгарса
Бармоқнинг синиши ёки лат ейиши эҳтимоли бор ва бу ташқи кўринишидан сезилмаслиги мумкин, аммо жиддий шикастланганда ингичка суякларга зарар етади. Бундай ҳолларда шикастланган бармоқни имкон қадар ҳаракатлантирмаслик керак.
Энг осон йўли — шикастланган бармоқни ёнидаги бармоққа ёки бирор қаттиқ жисмга бирлаштириб боғлаш. Бу шикастланган суяк тўқималарининг силжишини бартараф қилади ва зарарни камайтиради.
Бармоқ ушлаб кўрилганда, шишгани сезилса ва кўкарса
Кўзга кўринадиган шикастланишларсиз кичик жароҳатлар махсус даволашни талаб қилмайди.
Даволаш сифатида яллиғланиш ва оғриқни йўқотиш учун муз қўлланилади. Қаттиқ оғриқда оғриқ қолдирувчи дори воситаларини қабул қилиш мумкин.
Изоҳ (0)