Херсонда мадҳия куйлаётган Зеленский ва Украина байроғини кўтараётган аскар. Урушнинг 264-кунидан фоторепортаж
Озод қилинган Херсонда Украина армияси назорати қайта тикланганидан уч кун ўтиб, Украина президенти Владимир Зеленский шаҳарга ташриф буюрди. Унинг сўзларига кўра, шаҳарда Россия ҳарбийларининг босқин даврида содир этган 400 дан ортиқ ҳарбий жиноятлари ҳужжатлаштирилган. Луганск вилояти раҳбари Сергей Гайдай Украина ҳарбийлари минтақадаги 12 та аҳоли пункти, жумладан, Макеевкани ҳам озод қилганини айтди. Украина Қуролли кучлари Бош штаби ҳозирча бу маълумотга изоҳ бермади. Россия Мудофаа вазирлиги Донецк вилоятидаги Павловка қишлоғини эгаллаб олганини эълон қилди – Украина расмийлари бу маълумотни тасдиқламади, бироқ Приморе денгиз пиёдалари аввалроқ ушбу аҳоли пункти учун жангларда катта йўқотишлар кўргани ҳақида хабар берганди.
Meduza урушнинг 264-кунига оид асосий фотосуратлар билан бўлишди.
Зеленский Херсонда Украина байроғини кўтариш маросимида
Украина президенти Владимир Зеленский Херсонга 14 ноябрь куни, Украина армияси уни қайтариб олганидан уч кун ўтиб ташриф буюрди. Херсон уруш бошидан буён Россия истилоси остида эди.Фото: Reuters
Владимир Зеленскийни кутиб олаётган херсонликлар.Фото: Reuters
Херсон аҳолиси президент билан учрашувда.Фото: Reuters
Владимир Зеленский Херсонда Украина мадҳиясини куйламоқда.Фото: AFP
Украина Қуролли кучлари ҳарбий хизматчиси Херсоннинг марказий кўчаларидан бирида Украина байроғини кўтармоқда.Фото: Украина президенти матбуот хизмати
Херсонлик аёл россияликлар оккупацияси пайтида ҳалок бўлганлар учун ўрнатилган вақтинчалик ёдгорлик ёнида.Фото: Украина президенти матбуот хизмати
Озод этилган Херсон манзаралари
Херсонлик кишининг жасади. 14 ноябрь куни шаҳарга ташрифи чоғида Владимир Зеленский Херсонда ишғол пайтида рус ҳарбийлари томонидан содир этилган 400 дан ортиқ ҳарбий жиноятлар ҳужжатлаштирилганини айтди.Фото: Reuters
Херсон аҳолиси россиялик ҳарбийлар шаҳардан чекиниш вақтида портлатиб юборган телеминора ёнида. 9 ноябрь куни Россия мудофаа вазири Сергей Шойгу генерал Сергей Суровикиннинг таклифига биноан рус қўшинларини Херсондан Днепрнинг чап қирғоғига олиб чиқишни буюрди. 11 ноябрь куни Россия Мудофаа вазирлиги шаҳардан чекинаётгани ҳақида хабар берди.Фото: Getty Images
Интернет алоқаси бор жойга тўпланган херсонликлар. Шаҳарда электр таъминоти мавжуд бўлмаса-да, Илон Маскнинг Starlink терминаллари ва генераторлари ёрдамида мобил алоқанинг базавий станциялари ишламоқда. Херсон марказида Украинанинг «Кйивстар» оператори хизматларидан ҳам фойдаланиш мумкин.Фото: AP Photo
Херсон аҳолиси вакили ўтин йиғмоқда. 6 ноябрь куни, ҳали рус қўшинлари чекинишидан олдин ҳам, Херсоннинг барча туманлари электр энергиясидан узилган. Оккупацион ҳокимият вакилларининг айтишича, бу электр узатиш линияларига қилинган «саботаж» оқибати. Херсон вилояти ҳарбий маъмурияти раҳбари Ярослав Янушевич Зеленскийнинг ташрифи чоғида яқин вақт ичида электр таъминоти тикланади, деб ваъда берди.Фото: AFP
Мобил алоқани тутишга уринаётган херсонликлар.Фото: Anadolu
Херсонлик киши Днепрдан сув олмоқда. Шаҳарда нафақат электр энергияси, балки сув таъминотида ҳам муаммолар мавжуд.Фото: AFP
Изоҳ (0)