Сабзавотлар ва мевалар — қиш учун витаминлар захираси ҳисобланади. Улардан баъзилари сақлашда алоҳида эътиборни талаб қилади: масалан, пиёз ва картошка бир-бирига яқин сақланмаслиги керак. Кўплаб уй бекалари сабзавотлар ва меваларни тўғри сақлашда хатоликка йўл қўяди. AdMe нашри сабзавотларни баҳоргача сақлашга ёрдам берадиган маслаҳатларни тақдим этди.
Пиёз
Пиёзни сақлашниг энг яхши усулларидан бири уни капронларга солишдир. Капрон пиёзнинг сақланиши учун яхши шароит яратади, чунки пиёз ҳавони талаб қилади, бироқ намликка чидай олмайди. Баъзилар картошка билан пиёзни бир идишга солишади. Бу хатога йўл қўйманг, картошка намлик беради, бу ҳолатда эса пиёз чирий бошлайди. Агар пиёзни капрон калготкаларга осишни истамасангиз уларни тўқилган саватларга солинг — пиёз баҳоргача яхши сақланади.
Картошка
Картошка қоронғи ва салқин жойда сақланиши керак. Картошка солинган идишга тоғ кулининг баргларини қўйинг, чунки улар фитонсидларни чиқаради ва ҳосилни чиришдан ҳимоя қилади. Пиёз ва олмаларни бир-бирига қўйманг: бу мева ва сабзавот картошка сифатини бузадиган газ ҳосил қилади.
Лавлаги
Лавлаги ҳам сақлашда алоҳида эътибор талаб қилади, бироқ уни картошка билан бир жойда сақласа бўлади. Лавлаги ортиқча намликни ютади ва қаттиқ бўлади. Бироқ уни картошка билан аралаштириш керак, лавлагини картошканинг устига қўйиш керак.
Олма
Олма салқин, қоронғи жойда, масалан, ертўлада, 0 даража ҳароратдан 7 даража ҳароратда сақланади. Олмаларни коридорда картон қутида сақлаш мумкин, бироқ вақти-вақти билан меваларни шамоллатишни унутманг. Шу билан бирга олмалар «нафас олиши» учун картон қутида тешиклар ҳосил қилган маъқул. Меваларни балконда ҳам сақласа бўлади. Изоляция қилинмаган олмаларни 2-4 ой, изоляцияланганда эса олти ойгача сақлаш мумкин. Картон қути олинади ва ҳар бир олма қоғозга ўралади.
Олмани чиришдан ҳимоя қилиш учун шундай ҳаётий усул бор: оддий дорихонада бор бўлган глицеринини матога суртинг ва ҳар бир мевани артиб олинг ёки олмани маргансовка эритмасида ювинг.
Сабзи
Кўп ҳолларда сабзи оддий идишларга жойлаштирилади: унга қум, пиёз қобиғи ва ҳатто тахта қириндиси солинади. Бу нарсалар намликни ютади ва сабзавотларнинг бир-бирига тегишига йўл қўймайди. Энг яхши усули, сабзини ертўлада 0 даража ҳароратдан 2 даражагача бўлган ҳароратда сақлаган маъқул. Бироқ у уйда бир неча ой сақланиши мумкин.
Шўрвалар ва рагуни тезда пишириш учун лайфхак мавжуд. Сабзи тозаланади, катта тишли қирғичдан ўтказилади ва озиқ-овқат плёнкасига ўралади. Сабзиларни колбаса кўринишида ўраб чиқинг. Зарур бўлганда, бир бўлагини кесиб олинг. Буларнинг барчаси баҳоргача музлатгичда яхши сақланади.
Саримсоқпиёз
Саримсоқпиёзни ҳаво алмашадиган, соя тушадиган ва намсиз жойда сақлаган маъқул. Саримсоқни ошхонада ёки коридорда тўр халталарга осилган ҳолатда сақласа ҳам бўлади. Уни тўр халталарга (масалан, апельсин остидан) қўйишингиз мумкин. Уни қутиларга ёки саватга сочишингиз мумкин, бироқ қатлам 15 сантиметрдан ошмаслиги керак. Шу билан бирга идишда ҳаво ўтказувчи тешикчалар ҳам бўлиши керак.
Карам
Карамни уй шароитида сақлаш жуда қийин. Уни сақлаш учун идеал ҳарорат 0 даражадан 2 даражагача бўлиши керак. Карамни тозалаш ва қоғоз ёки озиқ-овқат плёнкасига ўраш керак — 3 қатлам етарли бўлади. Асосийси, карамнинг бошлари бир-бирига тегмаслиги керак. Сабзавотлар вақти-вақти билан текширилиши керак.
Қовоқ
Қовоқларни хонадаги ҳарорат 20 даража ҳароратдан юқори бўлмаса, кроват остида сақлаш мумкин. Энг яхши вариант балкон бўлиб, у ерда ҳарорат 3 даражадан пастга тушмайди. Бундай ҳолатда, балконга тахталар ёки картон қўйилади, устига газета қўйилади. Қовоқлар бир-бирига тегмаслиги учун тартибга солинади. Сабзавотлар иссиқ адёл билан қопланиб сақланади.
Мавзуга доир:
- Олма, шафтоли, бақлажон ва пўсти билан истеъмол қилиш фойдали бўлган бошқа мева ва сабзавотлар.
- Кузги сабзавотлар бактерия ва вируслардан қандай ҳимоя қилади?
- Ғалати таъм ва фойдасиз тежамкорлик: Кузда қандай сабзавотлар ва меваларни музлатмаслик керак?
- Қишга тайёргарлик: Мевалар, сабзавотлар ва кўкатларни музлатишнинг 10 қоидаси.
Изоҳ (0)