Футбол бўйича Ўзбекистон Суперлигасининг 2022 йилги мавсуми якунланди.
«Пахтакор» сўнгги турдаги ғалаба эвазига 54 очко билан мусобақа жадвалини биринчи ўринда якунлади ва ўз тарихидаги 15-чемпионликни қайд этди.
«Навбаҳор» 53 очко билан иккинчи ўринни эгаллаган бўлса, «Насаф» (49) кучли учликка якун ясади.
Мавсум якунларига кўра, чемпион «Пахтакор» ва кубок эгаси «Насаф» Осиё Чемпионлар Лигасининг 2023/24 йилги мавсуми гуруҳ босқичига тўғридан-тўғри йўлланмани қўлга киритди. Кумуш медал соҳиби «Навбаҳор» ва тўртинчи ўриндаги «ОКМК» ўз иштирокини плей-офф босқичидан бошлайди.
«Қўқон-1912» охирги турда мағлубият учраб, 13-поғонага тушиб кетди ва Про-Лигага равона бўлди. «Локомотив» эса 12-ўринга кўтарилди. «Темир йўлчилар» Про-Лиганинг учинчи ўрин эгаси билан ўтиш ўйинида иштирок этади. Аввалроқ «Динамо» сўнгги ўринни олиб, қуйи лигага тушиб кетганди.
Изоҳ (0)