Европа Иттифоқи Украина ва Грузияда берилган Россиянинг саёҳат ҳужжатларини тан олмаслигини маълум қилди. Бу ҳақда UPI хабар берди.
Европа кенгаши баёнотида келтирилишича, бу қарор Россиянинг Украинага қарши «асоссиз ҳарбий тажовуз»ига ҳамда босиб олинган ҳудудлар аҳолисига Россия паспортларини бериш амалиётига жавобдир.
Бу, шунингдек, Россиянинг 2008 йилда Грузиянинг Абхазия ва Жанубий Осетия ҳудудлари мустақиллигини тан олиш ҳақидаги бир томонлама қарорига ҳам тааллуқли, дейилади ҳужжатда.
Мазкур қарор Европарламент ва Европа Иттифоқига аъзо давлатлар томонидан расман тасдиқланиши кутилмоқда.
Маълумот ўрнида, Ғарб бадавлат россияликларга сармоя эвазига чет эл фуқаролигини олиш имконини берувчи «олтин паспортлар» дастуридан воз кечишини эълон қилганди.
Изоҳ (0)