Скотчдан ҳамма ҳам бирор нарсани ёпиштириш мақсадида фойдаланади. Аммо уни ишлатишнинг кутилмаган усулларига эътибор бериш вақти келди. Уларнинг аксарияти сиз учун фойдали бўлиши мумкин, деб ёзади «Новий очаг».
Пойабзал ва кийимларни тозаланг
Агар уйда кийим ва пойабзал учун ёпишқоқ ролик бўлмаса, уни оддий скотч билан алмаштириш мумкин. Скотч бир неча сония ичида замш, драп, трикотаж ва бошқа матолардан чанг, сочлар ва бошқа майда кирларни тўплайди.
Бўйинбоғни маҳкамланг
Агар бўйинбоғнинг пастки қисми устидагисидан ташқарига қараб турса, уни икки томонлама скотч билан маҳкамлаш мумкин. Скотч бўйинбоғнинг ички қисмига ёпиштирилади.
Макияж учун
Кўз қовоғига бир текис стрелкалар чизиш учун скотчдан фойдаланиш мумкин. Бунинг учун скотч бир неча кичик бўлакда кўзнинг пастки қисмидан юқорига қараб ёпиштирилади. Сўнгра унинг чизиғи бўйлаб стрелка чизилади, маҳсулот қуригунча бир неча дақиқа кутилади ва скотч олиб ташланади.
Трефарет ясаш мумкин
Скотч ёрдамида трефарет ясаб, сиртга ҳар қандай шакл ва ўлчамдаги нақшларни чизиш мумкин. Скотч сиртга маҳкам ёпиштирилгани учун унинг остига сиёҳ тушишига йўл қўймайди.
Синган шишани йиғиб олинг
Синган шишанинг катта бўлакларни қўллар ёки чўтка билан тўплаш мумкин, лекин кўзга кўринмас кичик зарралар-чи? Ечими бор. Скотчни шунчаки керакли жойга ёпиштириб, тортиб олиш муаммони бартараф этади.
Ғайриоддий маникюр
«Френч» услубидаги маникюр ёки тирноқларга ғайриоддий геометрик нақшлар чизиш қийин, албатта. Уларни скотч ёрдамида яратиш осон. Дастлаб уларни танланган тартибда жойлаштириб, бир нечта қисмларни бир-биридан ажратиб олиш ва тирноққа мос келадиган лаклар билан бўяш кифоя. Скотчни тирноқдан олиб ташлашдан олдин лак тўлиқ қуригунча кутиш лозим.
Чиройли гулдаста ясанг
Агар гулдон катта, гуллар эса кам бўлса, ушбу муаммонинг ҳам ечими бор. Гуллар чиройли кўринишда бўлиши учун скотч гулдон оғзига панжара шаклида ёпиштирилади. Скотч орасида қолган очиқ жойга гуллар тиқилади ва гулдаста ҳосил бўлади.
Қадоқ пайдо бўлишининг олдини олади
Агар янги пойабзал оёқларни урса, муаммоли жойларга скотч ёпиштириш керак. Улар терига таъсир қилиш интенсивлигини камайтиради, шиш ва яралар пайдо бўлишидан ҳимоя қилади.
Буюмларни сақланг
Керакли буюмларни яшириш учун скотч билан яхшилаб ўраб, стол ёки каравот остига ёпиштириш мумкин. У ерда бирор нарса бўлиши ҳеч кимнинг хаёлига ҳам келмайди.
Билагузукни маҳкамланг
Бир қўл билан билагузукни улаш осон иш эмас. Бундай вазиятда скотч ёрдамга келади. Билагузукнинг бир учи скотчга уланади ва қисқич ёпилади.
Изоҳ (0)