Тошкент шаҳри Яшнобод туманида 5 ноябрь куни мижоз 200 минг сўм учун операторга ҳужум қилди, деб хабар бермоқда Тергов департаменти.
Қайд этилишича, шу куни соат 17:40 ларда номаълум шахс ўзганинг мулкини талон-тарож қилиш мақсадида Яшнобод тумани Боткина кўчасида жойлашган «Yandex Go» биносига мижоз сифатида кирган. «New Impluse» оператори Н.Э.нинг (30 ёшли) сочидан ушлаб, ҳаёт ва соғлиқ учун хавфли бўлган ҳаракатлари билан бўйин қисмига ўткир тиғли жисмни тираб, бор пулларини беришини талаб қилган. 200 минг сўм атрофида пулларни олиб, номаълум томонга кетиб, ҳодиса бўлган жойидан яширинган.
Мазкур жиноят иши бўйича Яшнобод тумани тергов бўлими томонидан номаълум шахсга нисбатан Жиноят кодекснинг 164-моддаси 2-қисми «а» банди (босқинчилик) билан жиноят иши қўзғатилган.
Олиб борилган тергов-тезкор ҳаракатлари натижасида мазкур жиноятни I.П. (46 ёшли) содир этгани аниқланиб, у процессуал тартибида ушланган.
Ҳозирда юқоридаги шахс нима сабабдан босқинчиликка қўл ургани аниқланмоқда.
Изоҳ (0)