7 ноябрь соат 17:26 ҳолатига кўра. Тошкент—Водий автомобиль йўлдиаги Қамчиқ довонида қор ёғмоқда. Бу ҳақда Фавқулодда вазиятлар вазирлиги хабар қилди.
Қайд этилишича, ҳозирда йўлни қордан тозалаш ва музламалар ҳосил бўлишининг олдини олиш ишлари мувофиқлаштириб борилмоқда.
«Шу ўринда ФВВ йўл транспорт ҳодисалари билан боғлиқ фавқулодда вазиятларнинг олдини олиш мақсадида, довон ҳудудида ҳаракатланишда ҳайдовчилардан барча хавфсизлик чораларини кўришларини сўраб қолади», — дейилади хабарда.
Йўл ҳаракати хавфсизлиги бошқармаси ҳам Қамчиқ довонидан ўтган автомобиль йўлининг 236—241-километрлари оралиғида (икки туннел оралиғи) қор ёғаётганини тасдиқлади.
«Барча ҳайдовчилардан об-ҳаво шароитини инобатга олган ҳолда, тезликни меъёрдан оширмасдан, оралиқ масофани сақлаб ҳаракатланишларини сўраймиз», — деб ёзади ЙҲХБ ахборот хизмати.
Изоҳ (0)