Андижон вилоятининг Шаҳрихон тумани халқ таълими бўлими мудири Жавлон Маматқодиров тумандаги айрим мактаб директорларини ҳаромхўрлар дея ҳақорат қилди. Бу ҳақда «Дарё» мухбири хабар берди.
Таъкидланишича, ХТБ масъули директорларни кўчат экмасликда айблаган.
Ҳурматли директорлар, устозлар.Вилоят халқ таълими бошқармаси масъуллари ҳолат назоратга олинганини, ўрганилаётганини маълум қилган.Бир нарсага мен амин бўляпман ва афсусланяпман. Баъзи бир мактаб директорларимиз шу даражада ёлғончи, афирист, ҳаромхўр эканки, бу ёғига гап тополмаяпман.
Шанба куни, ўтган ҳафта ҳамма мактабларда, раҳмат зўр ташкил қилганлар, бутун бошли боғ ташкил қилиб қўйганлар бор. Юзта, икки юзта, камида элликта кўчат экканлар бор. Лекин баъзи бир ҳаромхўр директорлар, шунақа дейишга мажбурман. Баъзи бирларингга ёмон тегмасин, узр устозлар. Лекин шу гапларни айтишга мажбурман.
Шахсан юриб, айланиб кўряпман. Шанба куни уч дона кўчат экибди. Инсофсиз, ўзини ёлғон гапириб, ҳаромдан ойлик олиб еб юрган ифлослар уч дона кўчат эккан. Баъзи бир мактаблар, умуман экмаганлари ҳам бор. Ҳали уларга ҳам етиб бораман. Ҳисоб китобингизни қилинг. Қайси мактаб экмаган ёки уч-тўрт дона «показуха»га экиб қўйиб, мени алдамоқчи бўлганлар барибир етиб бориб, шармандангизни чиқараман. Бу ҳафта шанба куни яна тайёргарлигингизни қилинг. Қайси мактаб бўлишидан қатъи назар бир дона кўчат сиғадиган жойим йўқ, қолмади дегунча экасиз. Хоҳласангиз бир ҳафтада тугатиб қўйинг, хоҳласангиз ўн ҳафтада тугатинг. Лекин тугатмагунча экасиз, — дейди директорларни ҳақорат қилган ХТБ мудири.
Ижтимоий тармоқларда «Шаҳрихон тумани халқ таълими бўлими мудири томонидан кўчат экиш тадбирида фаоллик кўрсатмаган директорларни ҳақорат қилмоқда», сарлавҳали хабарлар тарқалган бўлиб, ҳолат вилоят халқ таълими бошқармаси томонидан назоратга олинганлигини маълум қиламиз.Маълум бўлишича, Жавлон Маматқодиров 2022 йилнинг июнь ойидан буён бўлимга раҳбарлик қилиб келмоқда. Унга қадар у тўрт йил давомида Шаҳрихон тумани ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида фаолият юритган.Шу ўринда вилоят халқ таълими бошқармаси тизимдаги туман, шаҳар халқ таълими бўлимлари ва вилоятдаги таълим муассасаларининг бирортасига дарахт кўчатларини харид қилиб, уларни экиш тўғрисида топшириқ ва кўрсатмалар бермаганлигини таъкидлаб ўтамиз. Ўрганиш якунларига кўра батафсил маълумот берилади, — дейилади масъуллар изоҳида.
Изоҳ (0)