Киевда Россия зарбалари туфайли электр қуввати қисман йўқолди – шаҳар мерияси маълумотларига кўра, юз минглаб уйлар зулматда қолмоқда. Украина президенти офиси раҳбарияти вазиятни назорат остида деб атамоқда, аммо ток буткул ўчган тақдирда шаҳар ҳокимияти уч миллионга яқин одамни эвакуация қилиш имкониятини кўриб чиқмоқда. Россия қўшинлари томонидан оккупация қилинган Херсон ҳам электрсиз қолди: вилоятнинг Россияга қўшиб олинган қисми ҳукумати буни «теракт» оқибатида электр узатиш линиялари шикастлангани билан изоҳламоқда. Россия ҳарбийлари Суми вилоятини ўққа тутди —снарядлар турар жой бинолари ва ҳовлиларга тушган, темир йўл инфратузилмаси шикастланган, поездлар жадвали вақтинча ўзгартирилган.
Meduza урушнинг 256-кунига оид асосий фотосуратларни тақдим этди.
Луганск вилоятида Украина армиясининг кўчма госпитали
Украина ҳарбийлари рация орқали Украинанинг Лиманский туманидаги Терний қишлоғи яқинида эҳтимолий йўқотишлар ҳақида маълумотларни узатмоқда. Украина қўшинлари қарши ҳужум операциясини давом эттирмоқда, аммо Луганск вилоятининг Сватово ва Кременная шаҳарлари ҳудудида қаршиликка дуч келмоқда. Ҳудуддаги рус қўшинларига Сватово-Кременная трассаси бўйлаб таъминот келади.Фото: SOPA Images
Украиналик аскар Донецк вилояти Терний қишлоғидаги тез тиббий ёрдам пунктида овқат тайёрламоқда. Аҳоли пункти яқинида мунтазам жанглар олиб борилмоқда — украиналиклар Донецк вилоятининг маъмурий чегарасига етиб боришга уринаётган рус ҳарбийларининг ҳужумларини қайтармоқда.Фото: SOPA Images
Чехиядан келган фелдшер Украинанинг Терний қишлоғидаги тиббиёт марказида қурол билан навбатчилик қилмоқда. Украина ҳудудида Соғлиқни сақлаш вазирлигининг таклифига биноан бошқа мамлакатлардан келган шифокорлар расман ишламоқда. Киев хорижлик шифокорлар муҳтож, чунки мамлакат тиббиёт тизими ҳам фронтдаги ҳам фронт ортидаги босимга дош бера олмайди. Фото: SOPA Images
Фронтга яқин Северскдаги ҳаёт
Донецк вилоятидаги Северск тумани яқинида Украина танклари учун келтирилган снарядлар.Фото: Reuters
Северсклик 82 ёшли Лидия Гончарова Россия зарбаларидан вайрон бўлган уй ёнидан ўтмоқда. Шаҳар бир неча ойдан бери газ, электр ва сувсиз қолган.Фото: Reuters
Россия томонидан Донецк вилоятининг ўққа тутилиши пайтида ҳалок бўлган Северск аҳолисининг қабрлари.Фото: Reuters
Херсон вилояти шимолидаги озод қилинган Архангелск қишлоғида вайрон бўлган турар жой биноси. Россия қиш учун мудофаа чизиқларини тайёрламоқда ва эҳтимол, вилоятнинг бир қисмига даъвогарликдан воз кечиши мумкин.Фото: EPA
Украина қўшинларининг Луганск вилоятидаги машғулотларида ялпи ўт очиш тизимидан ўқ узилмоқда. Бу вилоятдаги Сватово ва Кременная шаҳарлари ҳудудида жанглар кетмоқда.Фото: SOPA Images
Украина ҳарбийлари бир қисми Россия томонидан ишғол қилинган Херсон вилоятида рус қўшинлари назорати остидаги нуқталарни гаубицадан ўққа тутмоқда.Фото: Anadolu
Фото: Anadolu
Электр энергияси ўчган пайтда Киевдаги ҳаёт
Россиянинг электр станцияларига ҳужуми туфайли токдан узилган Киев шундай кўринишда. Украина ҳукумати инфратузилма вайрон бўлгани сабабли режали равишда электр қувватини ўчирмоқда.Фото: EPA
Шаҳарнинг катта қисмини қамраб олган электр узилиши вақтида Киев кафесида ўтирган киши.Фото: AP Photo
IT-мутахассислари Алина ва Игорь Киевдаги бошқа кўплаб бинолар сингари электрсиз қолган уйида пазл йиғмоқда.Фото: Getty Images
Киевда электр таъминотидаги узилиш вақтида черковнинг кўриниши. Маҳаллий ҳокимият вакиллари шаҳарда ҳеч бўлмаганда ёруғликни сақлаб туриш учун «ҳамма нарса қилаётганини» айтмоқда.Фото: Getty Images
Изоҳ (0)