Филиппинда содир бўлган «Налжи» тропик бўронидан 4,62 миллиондан ортиқ одам жабр кўрди, 156 киши ҳалок бўлди. Бу ҳақда мамлакат Хавф-хатарларнинг олдини олиш ва табиий офатларни бартараф этиш миллий кенгаши маълум қилди.
Кенгаш маълумотларига кўра, камида 141 киши турли тан жароҳатлари олган, 37 киши бедарак йўқолган.
Бўрон 31,5 минг уйга зарар етказган, 3,1 мингдан ортиқ бино вайрон бўлган. 722 та инфратузилма объектига етказилган зарар 4,3 миллиард песо (73,88 миллион доллар)га баҳоланмоқда. 359 та шаҳарда электр таъминотида узилишлар қайд этилган. 522 та шаҳарда фавқулодда ҳолат жорий этилган.
«Налжи» тропик бўрони Филиппин шимолига қараб кетмоқда, у ерда минглаб одамлар сув тошқинлари ва кўчкиларга мойил бўлган ҳудудлардан олдиндан эвакуация қилинган.
Изоҳ (0)