Бухорода божхоначилар салкам 11 миллиард сўмлик тамаки маҳсулотларининг ноқонуний олиб кирилишига чек қўйди. Бу ҳақда Давлат божхона қўмитаси ахборот хизмати хабар берди.
Қайд этилишича, Бухоро вилояти «Хўжадавлат» темир йўл чегара-божхона пости орқали республика ҳудудидан транзит тарзида ҳаракатланаётган юк поезди вагонларидан бирида контейнер эшиги, ички қисмидаги белги ва рақамлар акс этган ёрлиқлар қўлбола усулда ўзгартириб қўйилгани божхона ходимларининг диққатини тортган.
Ҳужжатларга кўра мазкур контейнерга 20 тоннадан зиёд оғирликдаги, муқаддам фойдаланилган авто эҳтиёт қисмлари ортилган бўлиши керак бўлган. Аммо тасвирларда вагонга бошқа турдаги товарлар ортилгани аниқлангани сабабли контейнер кўрикдан ўтказишга қарор қилинди.
Натижада контейнерда юк кузатув ҳужжатларида кўрсатилмаган, умумий қиймати 10 миллиард 610 миллион сўмлик 700 минг 719 қути сигарет ортилгани маълум бўлди. Ҳозирда юқоридаги ҳолат юзасидан божхона органлари томонидан жиноят иши қўзғатилди.
Изоҳ (0)