АҚШда содир этмаган зўрлаш ва қотиллик жиноятлари учун жазо муддатини ўтаган 69 ёшли эркак озодликка чиқди.
Морис Хастингс 1988 йилда озод қилиш ҳуқуқисиз умрбод қамоқ жазосига ҳукм қилинган, прокурорлар эса унга ўлим жазосини талаб қилишганди.
Sky News хабарига кўра, Хастингс бир аёлни зўрлаш ва ўлдиришда айбланган. Эркак ҳар доим ўзининг айбсизлигини таъкидлаган, 2000 йилда у ДНК тестини талаб қилган, аммо рад этилган.
ДНК тести фақат 2021 йилга келиб амалга оширилди ва бу ой тест натижалари маълумотлар базаси билан солиштирилди.
Маълум бўлишича, ДНК таҳлили 2020 йилда вафот этган бошқа маҳбусга тегишли бўлиб чиқди.
Морис Хастингс умумий ҳисобда 38 йилдан ортиқ қамоқда ўтирди.
Изоҳ (0)