Нотўғри овқатланиш ошқозон муаммоларига олиб келиши мумкин. Албатта, бу муаммоларини эътиборсиз қолдириб бўлмайди, ҳар сафар оғриқ таблеткалар билан бостирилади. Лекин парҳез тутиб бўлмайди. Хўш, ошқозон оғриғида нималар истеъмол қилиш мумкин? Wday нашри қуйида ошқозон оғриғида рационни қандай тузиш кераклигини маълум қилди.
Ошқозон оғриғида овқатланиш қоидалари
Ошқозон муаммолари сурункали бўлса, тўғри овқатланишни ташкил қилиш ва етарли рационни тузиш муҳимдир. Бу гастроэнтеролог томонидан амалга оширилиши керак. У ошқозон оғриғида нима истеъмол қилишни тавсия қилади.
Аввало, бу вақтда овқатланиш маданиятига эътибор бериш керак. Қуйидаги қоидалар эса мажбурийдир:
- ҳар доим бир вақтнинг ўзида овқат истеъмол қилиш;
- қисман — кунига 5-6 марта оз-оздан овқатланиш;
- жуда совуқ ёки ҳаддан ташқари иссиқ овқат ва ичимликлар истеъмол қилмаслик;
- овқатни яхшилаб чайнашга, суюқ таомларга устунлик бериш;
- маҳсулотларни буғда пишириш, қовурилган таомлар тақиқланади.
Ошқозон оғриғида нима қилиш мумкин ва нималар тақиқланади?
Аввало нимадан бутунлай воз кечиш кераклигини билиш керак. Қатъий тақиқланган маҳсулотлар рўйхатига нордон мевалар, пишириқлар, консерваланган, дудланган ва тузланган озиқ-овқатлар, газли ва спиртли ичимликлар, музқаймоқ киради. Ошқозонни безовта қиладиган ўткир ёки оғир сабзавотларни, аччиқ зираворлар истеъмол қилмаслик керак. Ҳар қандай ёғли гўшт, балиқ, маргарин, соуслар тақиқланади.
Жиддий чекловларга қарамай рационга қуйидагиларни киритиш мумкин:
- кам ёғли балиқ навлари;
- ёғсиз гўшт;
- сутли колбаса;
- совуқ нон, туз ва зираворларсиз қуритилган нон;
- қайнатилган сабзавотлар пюреси;
- гуруч, сули, манний, гречкадан сутли пюре;
- буғли пиширилган омлет;
- макарон;
- сабзавотли шўрвалар;
- нордон бўлмаган кам ёғли творог.
Изоҳ (0)