Спорт билан шуғулланишга вақт топа олмаётганлар учун ажойиб янгилик. Marie Claire нашри фитнес мутахассислари ёрдамида вақтнинг бир дақиқасини ҳам сарфламасдан машқ қилиш усулини маълум қилди.
Ишдан кейин камдан-кам одам фитнес залига бормаслик фойдасига диванда бўш вақтини қурбон қилишга тайёр. Эрталаб ярим соат олдин туриш эса мутахассислар маълум қилганидек, бундан ҳам баттарроқ, чунки уйқу саломатлик гаровидир. Аммо фитнесни бир четга суриб қўймаслик лозим. Америкалик фитнес мутахассислари эрталабки тайёргарлик давомида қизиқарли ва жуда реал машғулот тизимини ишлаб чиқди. Бу вазн йўқотиш ёки рекорд вақт ичида керакли қоматга эришишга ёрдам бериши даргумон, аммо мушакларни яхши ҳолатда сақлаш вазифасини бажара олади.
Тишларни ювиш давомида ўтириб туриш
Ўтириб туриш энг оддий ва самарали машқлардан биридир. Бунинг учун оёқлар елка кенглигида қўйилади ва 90 даража бурчак ҳосил қилиши учун ўтирилади. Сўнгра тик ҳолатга қайтилади ва олдинги ҳолатда яна ўтирилади. Бу машқ тиш ювиш давомида бажарилади. Тиш шифокорлари оғизни камида 3 дақиқа чўткалашни маслаҳат бериши ҳисобга олинса, бу машқ, албатта, фойдали бўлиши табиий.
Чой қайнагунча пресс машқини бажариш
Чой қайнагунча вақтни беҳуда сарфламаслик, балки қоматга ғамхўрлик қилиш имконияти мавжуд. Севимли қўшиқ ҳамоҳанглигида қўллар бош орқасига қўйилади. Оёқларни қимирлатмаган ҳолда тананинг юқори қисми тикланади ва пешона оёқлар учига қадар олиб борилади. Ва яна аста аввалги ҳолатга қайтилади. Ушбу машқни токи чой қайнагунча бир неча марта бажариш мумкин. Бу қориннинг юқори ва пастки мушакларини ривожлантиради, шунингдек, қориннинг пастки қисмини таранглаштиришга ёрдам беради.
Соч турмаклаш жараёнида тик туриш
Соч қуритиш ва турмаклаш зерикарли ишдир, шунинг учун ушбу дақиқаларни фойда тарзда ўтказишнинг йўли бор. Турмаклаш вақти иккита тенг интервалга бўлинади. Биринчи ўнг оёқда, кейин чапда турилади. Танани бир йўналишда ёки бошқа томонга бурамасдан, тўғри тутишга ҳаракат қилиш ва иложи борича текис туриш лозим. Бундай оддий тик туриш бел ва оёқларнинг мушакларини кучайтиришга ёрдам беради.
Нонушта пайтида оёқ машқини бажариш
Нонушта жараёнида оёқлар билан боғлиқ машқни бажариш мумкин. Бунинг учун оёқлар орасига копток қўйилади ва улар ёрдамида копток бироз сиқилиб, сўнгра босим бўшатилади. Ушбу машқ сон мушакларига ёрдам беради. Сабаби инсон сонда жойлашган мушакларни камдан-кам ишлатади, шунинг учун у ерда қон тўхтаб қолиши мумкин. Бу эса ортиқча ёғ тўпланишига ва селлюлит шаклланишига олиб келади.
Изоҳ (0)