Ўзбекистон Беларуснинг бозордаги нархларни оширишни тақиқлаш сиёсатига салбий муносабатда. Бу ҳақда Марказий банк раиси Мамаризо Нурмуродов 27 октябрь куни бўлиб ўтган матбуот анжуманида маълум қилди, дея хабар бермоқда «Дарё» мухбири.
Яқинда Беларусь ҳукумати мамлакат бозоридаги ҳар қандай нархларни оширишни тақиқлаганди. Матбуот анжуманида Марказий банкнинг бундай сиёсатга муносабати ва иқтисодий вазият ёмонлашса, Ўзбекистон ҳам шундай йўл тутиши қандай оқибатларга олиб келиши ҳақида сўралди.
Мамаризо Нурмуродовнинг таъкидлашича, Ўзбекистонда нарх-наво бошқарилмайди.
Беларуснинг нархларни оширмаслик сиёсатига муносабатимиз салбий. Бундай йўл билан ҳеч нарсага эришиб бўлмайди. Президентимиз Марказий банкка раҳбар бўлаётганимда: «бизга бошқариладиган нарх-наво керак эмас, бозор белгиласин. Бозордаги нарх мўътадил бўлишига Марказий банк қўлидан нима келса, таъминлашингиз керак», дегандилар. Шу пайтгача мазкур вазифани бажаряпмиз. Иқтисодий вазият ёмонлашган тақдирда ҳам Марказий банкнинг қарашлари ва фикри унақа усулдан бормайди.Аввалроқ Ўзбекистонда асосий ставка яна 15 фоиз даражасида ўзгаришсиз қолдирилгани хабар қилинганди. Шунингдек, 2022 Йил бошидан бери мамлакатга пул ўтказмалари рекорд даражага етиб, 2,2 баробарга ошгани ва 12,6 миллиард долларни ташкил қилгани билдирган.Мамаризо Нурмуродов, Марказий банк раиси.
Изоҳ (0)