Ижтимоий тармоқларда Тошкентнинг Чилонзор туманидаги «Абу Сахий» буюм бозоридаги кўп қаватли автотураргоҳда автомобиль ёнгани ҳақидаги хабарлар тарқалди. Туман ҳокимлиги ҳолат юзасидан маълумот берди.
Чилонзор тумани ИИОФМБ ва туман ФВБ мутасаддилари берган маълумотга кўра, 27 октябрь куни соат тахминан 06:52 ларда «Тошкент савдо маркази» ҳудудида жойлашган кўп қаватли автотураргоҳнинг 5-қаватида Б.А.га тегишли Orlando двигатель қисмида техник носозлик сабабли қисқа туташув бўлган. Натижада машина капот остидаги электр симларида ёнғин келиб чиққан.
Мазкур ҳолат «Тошкент савдо маркази» Ёнғин хавфсизлигини таъминлаш ходимлари томонидан соат 07:10 ларда тўлиқ бартараф этилган. Ёнғин оқибатида фуқароларга, шунингдек, бино ва атрофдаги бошқа машиналарга зарар етмаган.
Чилонзор тумани ФВБ масъулларининг маълумотига кўра, бу ёнғин ҳақида Тошкент шаҳар ФВБга хабар келиб тушмаган. Ҳозирда туман ФВБ томонидан автотураргоҳда ёнғин сабаблари ва ёнғин хавфсизлиги ҳолатлари текширилмоқда.
Изоҳ (0)