Ўта енгил вазн тоифасида UFC собиқ чемпиони Пётр Ян (16-4) промоушендаги фаолиятини тугатиши мумкин.
Россиялик яккакурашчи UFC 280 мусобақасида ҳакамларнинг баҳсли қарори билан Шон ЎМеллига (16-1) ютқазиб қўйди. Ян ҳакамларнинг бу қароридан норози бўлган ва промоушен томонидан ҳам қўллаб-қувватлашни сезяпти.
Собиқ чемпион Даниэль Кормье Пётр UFC’ни тарк этиш ҳақида ўйлаётганини маълум қилди.
Ян ҳакамлар қароридан шу қадар ҳайратга тушганки, эшитишимча, у бошқа лигалар таклифини кўриб чиқиши мумкин. Чунки UFC томонидан ҳеч қандай қўллаб-қувватлаш ҳис қилмаяпти. Бу бемаънилик, — дейди Кормье.
Пётр Ян 2021 йилнинг март ойида Алжамейн Стерлингга қарши ҳимоя жангида тақиқланган зарба учун дисквалификацияга учраганди. Кейинчалик Кори Сендҳагенга қарши жангда ютиб, дивизионнинг вақтичалик чемпионига айланди. 2022 йилнинг апрелида эса Стерлингга қарши реванш жангида октагонга кўтарилиб, очколар ҳисобига ютқазиб қўйди.
Изоҳ (0)