Эшитиш қобилиятини йўқотиш фақатгина қулоқчинларга боғлиқ эмас, балки жуда кучли овознинг бир марта таъсир қилиши ҳам карликка олиб келиши мумкин. Одатда муаммо аста-секин ва жимгина, оқибатлари яққол сезилгунча ривожланиб бўлади, деб ёзади Lifehacker.
Нима учун кар бўлиб қолиш мумкин?
Қулоқ супраси тўлқинларини тўплайди ва товуш туфайли тебранадиган қулоқ пардасига йўналтиради. У тебранишларни ўрта қулоқдаги майда суякларга, улар эса овал ойнага, бошқа мембранага ўтказади. Ички қулоқда maxсус сезгир ҳужайралар мавжуд бўлиб, улар туклар ёрдамида бу ҳаракатларни ушлайди ва мия таҳлил қиладиган электр импулсларига айланади.
Баланд товушлар бу ҳужайраларни ортиқча зўриқтиради. Шунинг учун масалан, концертдан сўнг одамда бир мунча вақт ўтгач шовқин эшитилиши мумкин. Узоқ муддатли жуда кучли таъсир қилиш ҳужайраларга доимий зарар етказилишига олиб келади ва эшитиш қобилиятининг йўқолишига сабаб бўлади.
Қулоқчин эшитиш қобилиятини йўқотишидан қандай сақланиш керак?
Қулоқлар эшитиш воситасидан зарар кўрмаслиги учун оддий эҳтиёт чораларини кўриш кифоя:
- Қурилмадаги овоз баландлиги максимал даражада 60 фоиздан паст бўлиши шарт.
- Шовқинни бартараф этадиган қулоқчиндан фойдаланиш, бу билан метро овози ёки бошқа бегона товушларни эшитмаслик учун овоз баландлигини ошириш шарт эмас;
- Атроф жуда шовқин ёки қулоқчиндаги овоз жуда баланд бўлса, билдиришнома юборадиган дастурни юклаб олиш лозим. Турли хил телефонларда бундай дастурлар мавжуд.
- Хавфсиз тинглаш хусусияти олдиндан ўрнатилган смартфон ва қулоқчинлардан фойдаланиш тавсия этилади. Улар овоз баландлигини ўлчайди ёки чеклайди. Масалан, аксарият болалар қулоқчинлари 70-85 дБ дан баландроқ овоз чиқаришга имкон бермайди. Болаларнинг эшитиш қобилияти шаклланаётгани сабабли уларни доимий равишда кузатиш қийин. Шунинг учун уларга овоз баландлигини максимал даражага кўтариш учун жисмоний имконият бермаслик қулайроқ.
- Баланд товушларни иложи борича камроқ тинглашга ҳаракат қилиш тавсия этилади.
Изоҳ (0)