Қашқадарё вилоятининг Муборак туманида икки Lacetti тўқнашиши оқибатида ёнғин чиқди. Натижада автомобилларда йўловчи сифатида кетаётган икки киши жароҳат олиб, шифохонага ётқизилди. Бу ҳақда «Дарё»га вилоят ИИБ ахборот хизмати хабар берди.
Маълум қилинишича, воқеа 2022 йилнинг 26 октябрь куни соат 11:20 да халқаро аҳамиятга эга А-380 Ғузор—Бухоро—Некус—Бейнеу автомобиль йўлининг 108-километрида содир бўлган.
Муборак туманидаги Газни қайта ишлаш заводи рўпарасида ҳаракатланиб келаётган ҳайдовчи Т.Д. бошқарувидаги Lacetti-1 Қарши—Муборак йўналишида ҳаракатланиб келиб, қарама-қарши йўналишига чиқиб кетиб, рўпарасидан чиққан Т.Т. бошқарувидаги Lacetti-2 га урилган. Оқибатда қисқа туташув содир бўлиб Lacetti-2 да ёнғин чиққан. Автомобиль салонида йўловчи сифатида келаётган фуқаролар У.А. ҳамда Б.С.лар тан жароҳати олиб туман марказий шифохонасига ётқизилган, — дейди вилоят ИИБ ахборот хизмати раҳбари Жавлон Бахтиев.
Қўшимча қилинишича, ҳолат юзасидан Муборак туман ИИБ ТБ томонидан терговолди суриштирув ишлари олиб борилмоқда.
Изоҳ (0)