Самарқандда 26–27 октябрь кунлари Ўзбекистон—Россия 3-таълим форуми ўтказилади.
Олий ва ўрта махсус таълим вазирлигининг маълум қилишича, форумда Ўзбекистон ва Россия томонидан 200 дан ортиқ олий таълим муассасалари раҳбарлари, ишлаб чиқариш корхоналари вакиллари, вазирлик ва идоралар масъуллари иштирок этади.
Унда икки давлат етакчи олий ўқув юртлари вакиллари муҳандислар, ўқитувчилар ва тарбиячилар тайёрлаш бўйича ҳамкорликни муҳокама қилади, узлуксиз таълимни ташкил этиш бўйича тажриба алмашади. Энергетика, кимё саноати соҳаларида кадрлар тайёрлаш, малака ошириш ва илмий фаолиятдаги ҳамкорликни ривожлантириш масалалари ҳам кўриб чиқилади.
Форум якунида 100 га яқин ҳамкорлик шартномаси имзоланиши кутилмоқда. Битимлар асосан Россияда ривожланган технологик ишлаб чиқариш соҳаларининг тажрибасини Ўзбекистон олийгоҳларига татбиқ этишга қаратилган.
Изоҳ (0)