Бухоро вилояти Қоракўл туманида ноқонуний балиқ овлаётган фуқаролар аниқланди. Бу ҳақда Давлат экология қўмитаси хабар қилди.
Қайд этилишича, инспекторлар томонидан 24 октябрь куни туманнинг «Бандбоши» маҳалласи ҳудудида навбатдаги рейд тадбири ўтказилган.
Рейд тадбирида 4 нафар фуқаро тақиқланган балиқ овлаш воситаси (электр қармоқ) ёрдамида балиқ овлаётгани аниқланган, лекин улар барча воситалар ва овланган балиқларни ташлаб воқеа жойидан қочишга улгурган.
Ушбу ҳолат юзасидан барча восита ҳамда балиқлар тегишли тартибда олиб қўйилиб, тергов суриштирув ҳаракатларини олиб бориш учун вилоят прокуратурасига юборилган.
«Ҳолат юзасидан қўшимча маълумот берилади», — дейилади хабарда.
Изоҳ (0)