Ўзбекистонда 9 ой давомида давлат бюджетига 33,2 триллион сўм божхона тўловлари ундирилди. Бу ҳақда АОКАда Давлат божхона қўмитаси ахборот хизмати раҳбари вазифасини бажарувчи Ҳусан Тангриев иштирокида ўтказилган брифингда маълум қилинди.
Қайд этилишича, иқтисодий фаолият иштирокчиларига божхона тўловларида 40,3 триллион сўмлик имтизёлар қўлланган. Хавфларни бошқариш ва яширин иқтисодиётга қарши курашиш йўналишларида 1,16 триллион сўм миқдорида қўшимча божхона тўловлари ундирилган.
Давлат божхона хизмати органлари тузилмалари томонидан олиб борилган тезкор тадбирларда 689 килограммдан зиёд гиёҳвандлик воситалари тўхтатиб қолинган. Бу кўрсаткич 2021 йилнинг шу даврига нисбатан 2,3 баробарга ортган.
Шунингдек, 244 минг дона кучли таъсир этувчи ва 4 минг дона психотроп моддалар ушлаб қолинган. 12 800 дан ортиқ ҳолатда 682 миллиард сўмлик товарларнинг ноқонуний айлануви аниқланган.
Мавзуга доир: Ўзбекистонда айрим товарларга божхона божи нол ставкада қўлланади
Изоҳ (0)