Япония Афғонистонда ҳокимият «Толибон» томонидан эгалланганидан кейин бир йил ўтиб, у билан дипломатик алоқаларини қисман тиклади, деб ёзади TOLOnews Япония ташқи ишлар вазири Ёсимаса Хаясига таяниб.
«Япониянинг Кобулдаги элчихонаси минимал ҳажмда зарур фаолиятни амалга оширмоқда. Хавфсизлик нуқтаи назаридан мен тафсилотларни келтирмайман», — деди Хаяси.
Япония Кобулда чекланган дипломатик фаолиятини бошлагани ҳақида «Толибон» Ички ишлар вазирлиги ҳам хабар берди. Ички ишлар вазири вазифасини бажарувчи Сирожиддин Ҳаққоний Япония элчиси Окада Такеши билан учрашган ва уни элчихона ходимлари ва фаолияти тўлиқ хавфсизликда бўлишига ишонтирган.
Таъкидланишича, ўз навбатида, Окада Такеши Япония афғонларни қўллаб-қувватлашда ва улар билан ҳамкорлик қилишда давом этишига ваъда берган.
Эслатиб ўтамиз, «Толибон» ҳаракати 2021 йил августида Афғонистонни деярли жангссиз эгаллаб олганди, 15 август куни толиблар Кобулга кирган, у ердан президент ва унинг ҳокимияти аъзолари қочиб кетган. Кобул «Толибон» томонидан эгаллангач, Афғонистонни кўплаб мамлакатлар элчихоналари, шу жумладан, Япония элчихонаси ҳам тарк этганди.
Мавзуга доир:
- Япония Афғонистонга 122 миллион АҚШ доллари миқдорида молиявий кўмак беради
- «Толибон» Кобулдаги Евроиттифоқ миссияси фаолиятини қайта бошлаганини эълон қилди
- Афғонистоннинг Хитойдаги элчиси олти ойдан буён маошсиз ишлаётгани туфайли ишдан бўшади
- Жаҳон ҳамжамияти «Толибон» Афғонистонда тузган ҳукумат билан ҳамкорлик қилишга тайёрми?
- «Толибон» Қозоғистоннинг Афғонистондаги элчихонасини қўриқлашга ваъда берди — Қозоғистон ТИВ
Изоҳ (0)