Ижтимоий тармоқларда Фарғонада фуқаролар ички ишлар ходимлари кўз ўнгида жанжаллашаётгани акс этган видео тарқалди. «Дарё» мухбири сўровига кўра вилоят ИИБ ахборот хизмати ҳолат юзасидан расмий маълумот берди.
Қайд этилишича, 2022 йилнинг 7 октябрь куни 3 нафар фуқаро Фарғона тумани Водил шаҳарчасидаги савдо дўконида навбат талашиб, ўзаро жанжаллашган.Мазкур ҳолат юзасидан Фарғона тумани ИИБ томонидан олиб борилган суриштирув давомида фуқаролар Р.М. ва А.Н.нинг ҳаракатларида Маъмурий жавобгарлик тўғрисидаги кодекснинг 52-моддаси 2-қисмида (енгил тан жароҳати етказиш), А.Ш.нинг ҳаракатларида эса 183-моддаси (майда безорилик) да кўрсатилган маъмурий ҳуқуқбузарлик аломатлари мавжудлиги аниқланган.
Ҳуқуқбузарларга нисбатан маъмурий тартибда ҳужжатлар расмийлаштирилиб, тегишли тартибда жиноят ишлари бўйича Фарғона туман судига юборилган.
Видеотасвирдаги ички ишлар ходимларининг хатти-ҳаракатлари юзасидан уларга нисбатан хизмат текшируви тайинланган.
Изоҳ (0)