Бош прокуратура Термиз шаҳрининг собиқ ҳокими Исроил Худойбердиев ва унинг шериклари қамоққа олинганини тасдиқлади.
Таъкидланишича, Бош прокуратура томонидан Термиз шаҳар ҳокимиятининг собиқ мансабдор шахсларига нисбатан Жиноят кодексининг 167, 205 ва 209-моддалари билан қўзғатилган жиноят иши юзасидан тергов ҳаракатлари олиб борилмоқда.
Бугунги кун ҳолатига Термиз шаҳар ҳокимияти собиқ мансабдор шахслари томонидан давлат ва жамият ҳамда тадбиркорларнинг манфаатларига 35,6 миллиард сўм зарар етказилганлиги аниқланган. Шу сабабли, жорий йил 24 сентябрь куни Термиз шаҳар собиқ ҳокими, кейинчалик унинг икки нафар ўринбосари ва жиноятга алоқадор бошқа 8 нафар шахсга нисбатан «қамоққа олиш» эҳтиёт чораси қўлланилган. Жиноят иши юзасидан тергов ҳаракатлари давом этмоқда, — дейилади Бош прокуратура ахборотида.Қўшимча қилинишича, иш бўйича ҳақиқатни аниқлашга тўсқинлик қилиш ҳолатларининг олдини олиш мақсадида бошқа тафсилотлар ошкор қилинмайди.
Изоҳ (0)