Бандлик ва меҳнат муносабатлари вазирлиги масъуллари 21 октябрь Ўзбек тилига давлат тили мақоми берилган кун муносабати билан тадбир ташкил қилиб, тилчиларга тожик тилидаги китобларни совға қилиши жамоатчилик муҳокамасига сабаб бўлмоқда. Бу ҳақда Telegram’даги Қитмир мухбир канали хабар берди.
Маълум бўлишича, вазирлик масъуллари 21 октябрь Ўзбек тилига давлат тили мақоми берилган кун муносабати билан 20 октябрь куни тадбир ташкиллаштириб, «ўзбек тилида тўғри ва равон сўзлашиш маданиятини юксалтирайлик, тилимизни ривожлантирайлик», дея тадбирнинг иқтидорли иштирокчиларига тожик тилида ёзилган китоб совға қилган.
Тилимиз ҳурмати учун ўзбек тилида ёзилган китоблар топиш имкони бўлмадимикин? Ёки вазирликнинг шу масалага масъулларининг тили бошқа-ю, дили бошқами?, — дейди бу ҳақда ёзган Қитмир мухбир.
Facebook фойдаланувчиларидан бири бу ҳолатни кулгига олиб, «китобларни арзонроққа олишгандир-да», деса, яна бири «Айтаманку қадринг бўлмаса-да, қаддинг баланд бўлсин она тилим деб», дейди. Яна бошқаси эса вазирлик масъулларини фаросатсизликда айблайди. Журналист Миролим Исажонов эса мазкур ҳолатга Маънавият ва давлат тилини ривожлантириш масалалари департаментининг эътиборини қаратган.
Вазирлик мазкур ҳолатни ҳозирча изоҳламаган.
Аввалроқ Ўзбекистон халқ шоири Усмон Азим жамиятда саводсизлик авж олгани ҳақида гапириб, «Ўзбекка ниҳоятда ачиняпман» дегани хабар берилганди.
Изоҳ (4)
Шармандалик ҳолатга йўл қўйган маъсул мансабдорларлардан кечирим сўраб тушунтириш беришларини талаб қиламан.
Men millatim tilim nasabim o'zbek ekani bilan faxirlanaman, avvallari bo'lgani kabi hozir ham millat til urf odat dinga bee'tibor hurmatsizlik bilan qaraydigan ong shuri quyi darajadagi insonlar tez tez uchrab turadi.
Англашилмовчилик бу'лган бу'лса керак
Шармандалик!!!