Ғарб давлатларида собиқ дипломатик мавжудликни сақлаб қолиш энди мантиққа тўғри келмайди, деб ҳисоблайди Россия ташқи ишлар вазири Сергей Лавров. Бу ҳақда у дипломатик хизматга илк бор қабул қилинган университет битирувчилари билан учрашувда айтиб ўтди, деб ёзади Rambler.
«Россия дипломатлари хорижда инсоний деб аташ қийин бўлган шароитларда ишлайди, дипломатлар ‘доимий муаммоларни келтириб чиқаради’ ва ҳатто ‘жисмоний ҳужум’ билан таҳдид қилинади».
«Лекин энг муҳими, Европа биз учун ўзини ёпиш ва ҳар қандай иқтисодий ҳамкорликни тўхтатишга қарор қилганидан бери у ерда дипломатлар учун ҳеч қандай иш йўқ».
«Сизни энди хушмуомала бўлишга мажбурлашмайди», — деб хулоса қилди дипломат ўз нутқининг ушбу қисмини.
Эълон қилинган баёнотдан келиб чиққан ҳолда Лавров, шунингдек, Осиё, Африка ва Лотин Америкаси мамлакатлари, аксинча, қўшимча эътиборга муҳтожлигини таъкидлади. Ушбу қитъалар мамлакатларида бугунги кунда «кўплаб режалар энг юқори даражаларда мувофиқлаштирилмоқда ва улар дипломатик ёрдамни талаб қилади».
Россия ташқи ишлар вазири, шунингдек, ҳозирда у раҳбарлик қилаётган бошқармада ҳам хорижда, ҳам марказий аппаратда фаолиятни географик жиҳатдан қайта йўналтириш ишлари олиб борилаётганини таъкидлади. Унинг айтишича, мақсад — «оғирлик маркази»ни Россия билан ҳамкорлик қилиб, истиқболли қўшма лойиҳаларни излашга тайёр давлатларга ўтказиш.
Изоҳ (0)