Ижтимоий тармоқларда Ғиждувон тумани «Сарвари» маҳалласида яшовчи фуқаролар томонидан катта жанжал юзага келиб, унда 65 ёшли нуроний калтаклангани айтилган хабарлар тарқалди. Бухоро вилояти ички ишлар бошқармаси ҳолат юзасидан муносабат билдирди.
Аниқланишича, мазкур ҳолат Ғиждувон тумани ИИБ томонидан ҳодиса содир бўлган вақтнинг ўзида тегишли тартибда қайд этилиб, ҳодиса содир бўлган жой, вақт ва ушбу фуқароларнинг шахсига тўла аниқлик киритилган ва терговга қадар текширув ҳаракатлари олиб борилган.
Ҳозирги кунда олиб борилган суриштирув ҳаракатлари юзасидан тўпланган ҳужжатлар мазмунан кўриб чиқиш учун Жиноят ишлари бўйича Ғиждувон тумани судига юборилган. Ўрганиш давомида ҳуқуқбузарлик содир этган айбдор шахсларга нисбатан қонунда белгиланган тартибда чоралар кўрилади.
Изоҳ (0)