«Ливерпуль» Англия Премер Лигасининг 11-турида «Манчестер Сити»ни мағлубиятга учратди (1:0).
«Шаҳарликлар» қаторасига бешта ўйиндан бери «Ливерпуль»ни енга олмаяпти. «Қизиллар» кетма-кет учта ўйинда ғалаба қозонди, унгача иккита дуранг қайд этилганди.
Сўнгги бор «Манчестер Сити» мерсисайдликларни 2021 йилнинг 7 февралида 4:1 ҳисобида мағлуб этганди.
Юрген Клопп Гвардиолани энг кўп мағлуб этган мураббий бўлиб қолмоқда. Мураббийлар бу ўйин билан ҳисоблаганда 26 марта ўзаро тўқнаш келган. Уларнинг 12 тасида немиснинг қўли баланд келган бўлса, 9 тасида каталониялик мураббий ғалаба қозонган.
Ҳеч қайси мураббий Пепни бу қадар кўп мағлуб эта олмаган. Ўз навбатида Клопп ҳеч қайси мутахассисга 9 марта ютқазмаган.
Жамоаларнинг АПЛ иккинчи даврасидаги ўйини 1 апрелда ўтказилади.
Изоҳ (0)