«Барселона» бош мураббийи Хави Ла Лига 9-тури доирасида кечган «Реал»га қарши учрашувдан сўнг (1:3) ўз фикрларини билдириб ўтди.
Ҳаммаси биз хоҳлагандек кечмаётгандек, негативлар кетма-кетлиги бор. Охиригача курашамиз, лекин бу футбол.Каталонияликлар ушбу мағлубиятдан сўнг 22 очко билан 2-ўринга тушди, мадридликлар эса очколарини 25 тага етказиб, биринчи ўринга кўтарилиб олди.Чоршанба куни омадимиз келмади («Интер»га қарши 3:3 ҳисобидаги ўйин), энди эса мағлуб бўлдик — бироқ бу атиги 3 очко. Жадвалда юқори ўринни сақлаб қолиш имкониятга эга эдик, аммо биз ҳеч нарсасиз кетмоқдамиз.
«Реал» жарима майдончасига тез-тез кириб бордик, лекин улар яхши ҳимояланди. Назаримда барчаси бизга қарши ишлаётгандек.
Айтадиган деярли ҳеч нарса йўқ, жуда ёқимсиз ҳолат. Рақиб ўйинни жуда шиддат билан бошлади. Фати ҳисобни 2:2 кўринишига олиб келиши мумкин эди, аммо «Реал» дарҳол пенальти тепиш ҳуқуқига эга бўлди. Шунчаки омадимиз келмади.
Биз рақибни қарши ҳужумига йўл қўймаслик кераклиги ҳақида гапиргандик, бироқ улар дастлабки дақиқалардаёқ бизни ушлади ва ҳисобни очди. Айтишим лозим, жамоамиз қурилиши давом этмоқда, энди рақобатбардошликни ҳам оширишимиз лозим.
Устунлик қилдик, «Реал»ни ўз ярим майдонида ўйнашга мажбур қилдик, гарчи биз энг яхши ўйинимизни ўтказмаган бўлсак ҳам, имкониятлар яратдик.
Ўз даражамизда ўйнамаганимиз хавотирга солди. Биринчисига ўхшаш голларни ўтказмаслигимиз керак. Шундай вазиятларда қўполлик ишлатиш лозим.
Афсусдаман. Ҳозир биз қилишимиз керак бўлган ишларни қилолмаяпмиз.
Хави, «Барселона» бош мураббийи
Мавзуга доир: Карло Анчелотти: «Ўтган класикода ўзимча янгилик қилмоқчи бўлгандим, бу сафар ҳамма ўз жойида ўйнади»
Изоҳ (0)