Соғлиқни сақлаш вазирлиги матбуот хизмати сентябрь ойи ва октябрнинг дастлабки ўн кунлигида тез ёрдамга ЎРВИ (ўткир респиратор вирусли инфекция) бўйича қанча чақириқ келиб тушгани бўйича маълумот берди.
Куз фасли — грипп ва ўткир респиратор вирусли инфекцияларнинг тарқалиши учун қулай палла. Айниқса, бу пайтда кичик ёшли болалар орасида нафас йўлларининг турли юқумли хасталиклари, хусусан, ЎРВИ кўп учрайди.
Ҳар қандай юқумли касаллик мавсумий бўлиб, нафас йўлларининг юқумли хасталиклари, асосан, куз-қиш мавсумида ва қисман баҳор ойларида сезиларли даражада ортади. Натижада 103 хизматига шамоллаш, грипп каби ўткир респиратор вирусли инфекцияларга чалиниш билан боғлиқ мурожаатлар йилнинг бошқа даврларига нисбатан бироз кўпаяди, — дейди Республика тез тиббий ёрдам маркази бош директори Абдувоит Гафуров.Жорий йилнинг сентябрь ойи ва октябрнинг дастлабки ўн кунлигида Республика тез тиббий ёрдам хизматига ўткир респиратор кассаликлар бўйича келиб тушган чақириқлар асосида 132 минг нафардан зиёд беморга сифатли тиббий ёрдам кўрсатилиб, уларнинг 9 минг 947 та нафари госпитализация қилинди.
Таққослаш учун, ўтган йилнинг айни шу даврида жами чақириқлар сони 150 минг 768 тани ташкил қилган эди.
Сентябрь ойида мамлакат бўйича тез ёрдам хизматига ЎРВИ бўйича бўлаётган кунлик мурожаатлар сони ўртача 3 минг 200 тани ташкил қилган бўлса, энг кўп чақириқ 25 сентябрь санасига тўғри келди ва шу куни 3 минг 829 та мурожаат қабул қилинди. Энг кам чақириқ эса 8 сентябрь куни кузатилиб, ушбу санада мурожаатлар сони 3 минг 17 тани ташкил қилди.
Изоҳ (0)