Остонада ҳиндистонлик жамоат арбоби Маҳатма Гандининг ҳайкали ўрнатилди. Бу ҳақда Ҳиндистоннинг Қозоғистондаги элчихонаси матбуот хизматига таяниб, Tengrinews хабар берди.
Ҳиндистон ташқи ишлар ва маданият бўйича давлат вазири Минакаши Лекхи Остона шаҳрида бўлиб ўтаётган Осиёда ҳамкорлик ва ишонч чоралари бўйича саммитга келган. Ташрифи чоғида вазир Маҳатма Ганди таваллуд кунининг юбилейига бағишланган табиий ўлчамдаги ҳайкалнинг очилишида иштирок этган.
Маҳатма Ганди дунёдаги энг таниқли шахслардан бири. Кўпгина мамлакатларда унинг шарафига ҳайкал ўрнатилган. 2003 йилда Қозоғистоннинг Олмаота шаҳрида ҳам Маҳатма Гандига ҳайкал ўрнатилган эди.
«Ҳайкалнинг ўрнатилиши бугунги кунда катта аҳамиятга эга, чунки бу йил Ҳиндистон мустақиллигининг 75 йиллиги ҳамда Ҳиндистон ва Қозоғистон ўртасида дипломатик муносабатлар ўрнатилганининг 30 йиллиги нишонланади», — дейилган элчихона хабарида.
Қайд этилишича, Қозоғистон пойтахтида ўрнатилган Маҳатма Ганди ҳайкали икки халқ ўртасидаги яқин алоқаларни янада мустаҳкамлайди.
Изоҳ (0)