Қрим раҳбари Сергей Аксёнов Керчда, шунингдек, ҳудуднинг Ленинский туманида террорчилик хавфининг «сариқ» даражасини жорий қилди. Бу ҳақда у Telegram-каналида ёзди.
Аксёновнинг сўзларига кўра, ҳуқуқ-тартибот идоралари ва ҳокимият органлари «шахс, жамият ва давлат хавфсизлигини таъминлашга қаратилган қўшимча чоралар кўрмоқда».
Хавфнинг юқори даражаси 23 октябргача амал қилади.
Қримнинг бу қисмида «сариқ» даража биринчи марта жорий қилинмоқда. Бунгача у фақат Украина билан чегарадош ҳудудларда ва муҳим инфратузилма объектларида қўлланган.
8 октябрь куни эрталаб Қрим кўпригида юк машинаси портлаб кетди. Оқибатда кўприкнинг автомобиллар юрадиган қисмида бир нечта таянчлар оралиғи қулаб тушди, шунингдек, кўприкдаги темир йўл орқали кетаётган цистернали таркиб ёниб кетди. Ёнғин оқибатида бир километрдан ортиқ темир йўл (кўприк узунлиги тахминан 19 километр) зарар кўрган. Тергов маълумотларига кўра, портлаш вақтида юк машинаси ёнидан ўтаётган машинада ичидаги уч киши ҳалок бўлган.
Изоҳ (0)