Ўзбекистон билан дипломатик алоқа ўрнатган давлатлар 142 тага етди

Гаяна Koopэратив Республикаси Ўзбекистон билан дипломатик муносабатлар ўрнатган 142-давлат бўлди.

ТИВ матбуот хизмати хабарига кўра, 10 октябрь куни Нью-Йорк шаҳрида Ўзбекистон ва Гаяна Koopэратив Республикаси ўртасида дипломатик муносабатлар ўрнатиш тўғрисида қўшма коммюнике имзоланди.

Икки давлат ҳукумати номидан ҳужжатни Ўзбекистоннинг БМТдаги доимий вакили Бахтиёр Ибрагимов ва Гаяна Республикасининг БМТдаги доимий вакили Каролайн Родригес Биркет имзолади.

Томонлар халқаро ташкилотлар, жумладан, БМТ ва унинг ихтисослашган муассасалари доирасида қўшма ҳамкорликни мустаҳкамлашдан манфаатдор эканликларини тасдиқладилар. Ҳамкорликнинг ўзаро манфаатли йўналишларини излаш учун икки томонлама алоқаларни давом эттириш бўйича келишувга эришилди.

Ҳужжатнинг имзоланиши Ўзбекистоннинг Жанубий Америка давлатлари билан ўзаро ҳамкорлигини кенгайтириш йўлидаги муҳим қадам бўлди.

Бундан аввал Антигуа ва Барбуда Ўзбекистон билан дипломатик муносабатлар ўрнатганди.