Футбол бўйича Ўзбекистон терма жамоаси ноябрь ойидаги йиғинда Қозоғистон билан баҳс олиб боради. Бу ҳақида ЎФА матбуот хизмати маълум қилди.
Сречко Катанец шогирдлари Тошкентда Қозоғистонга қарши халқаро ўртоқлик ўйинида майдонга тушади. Учрашув 16 ноябрь куни соат 18:00 да «Пахтакор» стадионида бўлиб ўтиши режалаштирилган.
Қозоғистон Европа Миллатлар лигасида муваффақиятли қатнашиб, «Б» лига йўлланмасини қўлга киритди.
Ўзбекистон сентябрь ойида халқаро ўртоқлик ўйинлари доирасида Камерун устидан 2:0 ҳисобида ғалаба қозонган, Коста-Рикага қарши баҳсда эса 1:2 ҳисобида мағлуб бўлганди.
Изоҳ (0)