Актёр, сўз устаси Шукурулло Исроилов журналист Шоира Мирсодиқовага берган интервьюсида рафиқаси билан қандай танишгани ва икки нафар келинининг уйдаги вазифалари ҳақида сўзлаб берди.
Янги оёқ кийим сотиб олган пайтим: мен кетадиган троллейбус энди жўнаб кетаётган бўлган. Югуриб чиқиб, битта қизни оёғини босиб олганман. У пайтда 130 кило эдим, кейин у қиз менга қараб «кўзингга қарамайсанми семиз!» деган. Узр, деганман. Қарасам ёқимтой қиз, шу билан гаплашиб қаерда ўқишини билиб олиб, ўқиш жойига борганман.Шундан кейин севги бошланиб, роппа-роса бир йилдан кейин уйланганман. У билан 16 ноябрда танишган бўлсам, кейинги йилнинг 16 ноябрида тўйим бўлган. Билмадим, семиз дегани ёққанми. Жуда ўқимишли, мактабни ҳам олтин медалга битирган. Ҳозирда Тошкент давлат стоматология институтида чет тиллар кафедрасининг мудири, лотин тилидан дарс беради. Тиббиёт ходимлари лотин тилини билиши жуда муҳим. Ҳамма дориларнинг таркиби, улар ҳақидаги маълумотлар лотин тилида.
Уч фарзандимиз бор, икки ўғил ва бир қиз. Ҳамма фарзандларим олий маълумотли. Катта ўғлим иккита олийгоҳни тамомлаган. Ҳозирда автомобилсозлик соҳасида фаолият юритади. Иккинчи ўғлим Россияда институтни тамомлаб, яхши ташкилотда ишлаяпти. Қизим чет тиллар институтини тугатган, ҳозирда невараларимга қараб уйда ўтирибди, — дейди қизиқчи.
Шунингдек, сўз устаси икки келинини қизидек асраб, авайлаши ҳақида ҳам сўзлаб берди.
«Келинларим жаннатда яшашади»
Иккита келиним бор, иккаласи ҳам жаннатда яшашади. Уларга умуман иш қилдирмайман. Улар бизнинг уйимизга чўри эмас, келин бўлиб келган. Улар ҳам бировнинг боласи. Эрталаб вақтли туриб, ҳовлига сув сепиб супур, демаймиз, зулм ўтказмаймиз. Уйимизга ҳафтасига уч марта ёрдамчилар келиб, тозалаб кетишади. Келинларимнинг вазифаси — ширин таомлар тайёрлаб, невараларимга қараш. Уйда спорт билан шуғулланаман деса спорт зали бор, сузаман деса, бассейн бор, музлаткич тўла, егани олдида емагани орқасида — ҳамма шароит бор, дейди Шукурулло Исроилов.
Мавзуга доир:
- Instagram: Озода Нурсаидованинг қўлини сўраган Liil Xurramov, муҳокамалар марказидаги Абдулла Қурбонов, неварали бўлган Шукурулло Исроилов.
- Instagram: Касал бўлиб қолган Зоҳиршоҳ Жўраев, Шукурулло Исроилов «Черт побери» кўчасида, Йигитали Мамажонов қизини туғилган куни билан табриклади.
- Шукурулло Исроилов — «морг»да, Севара Назархон — «Ипподром»да. Машҳур бўлишидан аввал ўзини турли соҳаларда синаб кўрган ўзбекистонлик санъаткорлар (видео).
- Instagram: Хонанда Имрон уйланди, ўғлининг туғилган кунини Италияда нишонлаган санъаткор, коронавирусга чалинган Толибжон Исроилов.
Изоҳ (0)