Ўзбекистонликлар 2022 йилнинг биринчи чорагида хорижий давлатларга 875 млн долларлик шахсий трансфертлар жўнатган. Бу ҳақда «Дарё»га Марказий банк ҳисоботидан маълум бўлди.
Энг кўп пул ўтказмаларини Ўзбекистондан Туркия қабул қилмоқда — 247 млн доллар. Бу борада у 210 млн доллар билан кейинги ўринни эгаллаган Россияни ортда қолдирди.
Хитойга 84 млн, Қирғизистонга 64 млн долларлик шахсий трансфертлар ўтказилган ва улар мос равишда учинчи ва тўртинчи ўринда қайд этилган. Юқори бешликни 54 млн доллар билан Қозоғистон якунлаб берди.
Шунингдек, 2022 йилнинг биринчи чорагида Ўзбекистондан АҚШга 30 млн долларлик пул ўтказмалари юборилган бўлса, Украина билан бу кўрсаткич 8 млн доллар бўлган.
Ўзбекистонга ва Ўзбекистондан ўтказилган шахсий трансфертлар фарқи — 5,6 млрд доллар.
Аввалроқ Ўзбекистонга қайси давлатлардан кўпроқ пул ўтказилиши маълум бўлган эди.
Изоҳ (0)