Фарғонада устига сомон ортилган «Москвич» ва унинг тиркамаси ёниб кетди. Бу ҳақда «Дарё»га вилоят Фавқулодда вазиятлар бошқармаси хабар берди.
Бошқарма ахборот хизматининг маълум қилишича, 29 сентябрь куни соат 13:48 да Бувайда тумани Янгиқўрғон қишлоғида жойлашган сомон бозорида тўхтаб турган «Москвич» ва унга уланган тиркама устига ортилган 300 дона сомони билан ёнаётгани ҳақида хабар келиб тушган.
Ўт ўчирувчилар воқеа жойига 14:00 да етиб борган, 14:02 да ўраб олиниб, 14:10 да ёнғин ўчирилган. Ёнғин натижасида автомашина эгаси А.А. икки қўл кафтлари ҳамда юз қисмидан турли даражада куйиш тан жароҳати олган.
Ҳозирда тегишли ташкилотлар томонидан ёнғиннинг келиб чиқиш сабаби ва етказилган зарар миқдори аниқланмоқда.
Изоҳ (0)