Ўзбекистонда талабаликка тавсия этилганларнинг тест синовида тўплаган ўртача баллари эълон қилинди

Ўзбекистонда 2022/2023-ўқув йили учун талабаликка тавсия этилган абитуриентларнинг тест синовида тўплаган ўртача баллари 101,2 баллни ташкил этди.

Давлат тест марказининг маълум қилишича, ҳудудлар бўйича Бухоро вилоятида юқорироқ натижа қайд этилган — 107,63 балл. Ундан кейинги ўринларни Фарғона вилояти (106,52 балл),  Хоразм вилояти (104,3 балл), Тошкент шаҳри (103,43 балл), Наманган вилояти (102,32 балл) эгаллаган.

Талабаликка тавсия этилган жорий йил битирувчиларининг тест синовида тўплаган ўртача баллари 110,7 баллни ташкил этган.

Юқорироқ натижа қайд этган ҳудудлар:

• Бухоро вилояти — 117,45 балл;
• Фарғона вилояти — 115,64 балл;
• Тошкент шаҳри — 113,28 балл;
• Навоий вилояти — 113,11 балл;
• Наманган вилояти — 111,55 балл.

Мавзуга доир: 

• Талабаликка тавсия этилган абитуриентларнинг 46 фоиздан зиёди аёллар — ДТМ
• «Абитуриентларнинг 53 фоизи бештагача таълим йўналишини танлаш имкониятидан фойдаланган ҳолда талабаликка тавсия этилди» — ДТМ