Давлат раҳбари топшириғига асосан Нукус шаҳрида Президент халқ қабулхонаси бошчилигида Жўқорғи Кенгес раиси ва секторлар раҳбарларининг оммавий қабули бўлиб ўтди.
Унда мурожаатларнинг аксарияти меҳнат ва бандлик, таълим, соғлиқни сақлаш, тадбиркорлик, кредит олиш, уй-жой таъмири билан боғлиқ масалалардан иборат бўлди.
Оммавий қабулда 586 нафар мурожаатчининг 616 та масаласи кўриб чиқилган бўлса, уларнинг 382 таси жойида ҳал қилинди, қолган масалаларни ўрганиш ва ечим топиш бўйича аниқ муддат ва масъуллар белгиланиб назоратига олинди.
Қорақалпоғистондаги секторлар раҳбарларининг бу каби очиқ-жонли мулоқотлари Оролбўйининг бошқа ҳудудларида ҳам ташкил қилинмоқда.
Изоҳ (0)