Бельгия мудофаа вазири Людивин Дедондер федерал парламентдаги тингловда Бельгия Украина ҳарбийларини ўқитиш бўйича Европа Иттифоқи бошчилигидаги миссияда иштирок этишга тайёрлигини маълум қилди.
Вазирнинг айтишича, Киевга Бельгия армияси захирасидан ҳарбий кўрсатилган, Украина ҳукумати эса қиролликнинг мудофаа корхоналари билан алоқада. Унинг фикрича, Европа Иттифоқи давлатлари ўртасида ким кўпроқ ёрдам етказиш бўйича рақобат бошлаш мантиққа тўғри келмайди.
«Ҳар ким қўлидан келганини бермоқда», — деди Дедондер.
Унинг таъкидлашича, Бельгия украиналик ҳарбийларни тайёрлашга қуруқлик ва денгиз ҳудудларини миналардан тозалаш, логистика, муҳандислик ва бошқа мутахассисликлар бўйича ҳисса қўшади.
Вазирнинг сўзларига кўра, Бельгиянинг Украинага ҳарбий ёрдами аллақачон 51 миллион еврога етган. Тез орада 12 миллионлик асбоб-ускуналар Украинага жўнатиш учун Польшага етказилади. Дедондер ушбу юк таркиби ҳақида батафсил маълумот бермади. Аммо миллий ОАВ гап оғир пулемётлар ва ўқ-дорилар ҳақида кетаётганини хабар қилганди.
Изоҳ (0)