Лионель Месси фақат бир футболчи «Барселона»ни тарк этсагина жамоага қайтишга тайёр

«ПСЖ» ҳужумчиси Лионель Месси «Барселона»га шарт қўйди.

Аргентиналик футболчи «кўк-анорранглилар» президенти Хоан Лапортага ҳимоячи Херард Пике каталонияликлар сафини тарк этсагина Испанияга қайтиши мумкинлигини маълум қилган.

Месси «Барселона»дан кетганидан сўнг улар ўртасидаги муносабатлар кескинлашган. Хабар қилинишича, Пике Хоан Лапорта билан шахсий суҳбатда аргентиналикнинг кетишини талаб қилган.

Аввалроқ Пике жамоанинг 35% ўйинларида майдонга тушмаса, «Барселона» у билан шартномани бир томонлама бекор қилиш ҳуқуқига эга бўлиши айтилганди. Қолаверса Херард жорий мавсум якунида фаолиятини якунлаш эҳтимоли ҳам йўқ эмас.

Месси фаолиятини қаерда давом эттириши ҳозирча аниқ бўлмаса-да, бу «ПСЖ»даги сўнгги мавсуми экани катта эҳтимол. Лео парижликлар билан июль ойида якунига етадиган шартномасини узайтириш ниятида эмас.

35 ёшли футболчи 2022/23 йилги мавсум «ПСЖ» сафида 6 та гол ва 8 та голли узатмага муаллифлик қилди.